U sindacu 'e Sant'Antoni

Dettagli

Sant’Antoni cu’ l’umbrellu
fanni trovari nu sindacu bellu!
Non ni ‘nda futta comu esti de fori
basta chi esta bellu de cori

Sant’Antoni ti cercu lu restu
fanni trovare nu sindacu onestu!
On ni nda futta si on fici mai liti
ma si restau cu i mani puliti.

Sant’Antoni ‘e jusu e de susu
manda nu sindacu coraggiusu!
Pecchì su’ tanti i delinquenti
e ssi ‘o n’hava cori on cumbini nenti

Sant’Antoni de lu quatru
pe’ ‘ffavori nommu è latru
ca de latri ‘nte chira stanza
‘nda passaru già abbastanza.

‘Ndava ‘u capiscia ma senza ‘u m’agghiutta
pecchì a stu paisi c’è genti chi futta.
‘Ndava ‘u fatica anni e misi
Pemmu ‘u ni sarva de sta crisi
chi ‘nni porta tantu dannu
e li giuvani si ‘nda vannu
u faticanu pe’ Bossi
chi lli sfrutta finu all’ossi.

Tu chi aiuti ‘u sbenturatu
San’Antoni e Suvaratu
Ti pregamu ndinicchiuni
liberanni e sti quattru marpiuni
chi pe’ deci anni ficiaru bau
e ‘a città nostra si ‘nda calau.

Sant’Antoni chi nd’aiu u fazzu?
Si ‘nno ‘mm’aiuti diventu pazzu!

Suvaratanu io ti aiu ‘nto cori
e mi dispiaci si ‘a Perla ni mori
Pe dire u veru ‘on capisciu chi vui
si ti futtisti cu i mani tui
Tu li votasti chisti campiuni
e mo mi spieghi ca su’ cugghiuni!

Ma iu sugnu bonu e non tegnu ‘u luttu
Ma si on mi senti poi mi nda futtu.
Sentimi bonu, ancora tu dicu!
O voti u sindacu o voti l’amicu

Mimmo Loiero alias Micu ‘U Surdu

Aggiungi commento


Codice di sicurezza
Aggiorna

Commenti   

 
+1 # santa preghieramellace teodoro 2011-02-23 13:34
complimenti bellissima (quartine con rime ),di sicuro "arriva" alle "teste incoronate",ma mi dispiace ammettere che rimarrà una vana, ma santa preghiera :roll:
Rispondi
 
   

Chi è Online  

Abbiamo 56 visitatori e nessun utente online

   

Leggi pure...  

   

Bacheca Eventi

Referendum NO TRIV

Assemblea organizzativa

Comprensorio di Soverato

Sabato 12 Marzo ore 18

Presso l'Acquario di Soverato

   

Bacheca Avvisi

   

Bacheca Cerca-Trova

   
© ADGRAPHISART